HASORU DESAFIOS

Ita ema nia moris sei la hase'es a'an husi problemas ou presaun oi-oin,maibe desafios iha moris mak hanesan oportunidade ba ita atu hakat ba oin,presaun oi-oin nebe mosu karik ita bele hare hanesan motivasaun/estimulasaun nebe bele forma hanoin no karakter ita ema ida-idak nian e mos bele defini oinsa individu ida bele halo aksaun ruma ba nia a'an ba tempo.tuir mai..
iha tipo 4 kategoria karakter ema nian wainhira hasoru problemas ou presaun

1. Tipo Ai Lahuk.

Ema nebe kategoria iha tipo ida ne mak hanesan ema nebe wainhira hetan presaun oitoan deit nia sente nia a'an la vale ona,sente a'an laiha kbi'it ona,tanis ou husu ajuda,
ema nebe kategoria iha tipo ida ne presija tebes hetan formasaun  atu nune bele kuda hanoin nebe posetivo (Posetive Thinking ) ba sira nia a'an hodi aten brani atu hasoru realidade moris.
Atu emfrenta ema ho tipo hanesan ne ita tenke brani liu tamba sira presija hatoman a'an atu apriende hodi hasoru desafios moris. Ita tenke tau ita nia a'an hanesan sira nia partner ou belun diak.

2.Tipo Besi Mamar

ema nebe kategoria ba tipo ida  ne mak hanesan ema nebe aguenta a'an hodi hasoru presaun nebe mosu ba dala uluk maibe hanesan besi mamar nebe wainhira hetan hanehan makas liu maka nia sei kleuk ou bele tohar.
ema nebe bele kategoria ba tipo ida ne nia bele agwenta hasoru presaun maibe wainhira presaun ne mosu bebeik entao nia sei la agwenta tan ona (Give-up).
maibe parte posetivo ida husi ema ida ne mak nia sei iha hakarak atu bele koko agwenta tan antes nia laiha ona forsa.
Tipo ema nebe kategoria ba besi mamar ne ladauk iha formasaun ba sira nia a'an maibe wainhira nia iha hanoin atu esforco a'an makas nia sei sai ema nebe sukseso tebes

3.Tipo Esponza Mamar

Tipo ida ne mamar tebes wainhira hasoru presaun,,iha tempo wainhira mosu presaun maka tipo ne sei sai flexivo tebes,,koko tok ita hanehan esponza mamar ruma,nia sei book a'an tuir todan nebe ita fo,mais depois de ne nia sei fila fali ba nia fatin hanesan normal.
entao ema nebe kategoria ba tipo ne enkuando hasoru presaun ruma nia cadavez susar mos mais depois de ne nia sei lalais kedas ona haluha problema ou presaun nebe nia hasoru ona

no nia sei sai normal hikas hanesan bai-bain hodi hahu fali buat foun ruma ba nia moris.

4.Tipo bola Pinpong
Ida nemak tipo nebe ideal no diak liu, ba tipo ida ne maske presaun oin-oin mosu laos problema ba sira,sira sempre  konsidera presaun hirak ne hanesan motivasaun nebe fo forsa ba sira atu haka's a'an hodi servico maka liu tan hodi bele sai kreativo liu iha sa deit mak sira halo iha sira nia moris.
ema nebe kategoria ba tipo ida ne sempre hakonu moris ho hanoin nebe posetivo tebes (posetive thingking).

koko tok hare bola pinpong wainhira ita hanehan justru sei tos no dudu hikas ita nia liman nebe hanehan,

CHALLENGES ARE WHAT MAKE LIFE INTERESTING
OVERCOMING THEM ARE WHAT MAKES LIFE MEANINGFUL
Desafios maka buat nebe halo moris sai intersante liu no ultrapasa desafios sei halo moris sai valor liu.
hakerek nain>.Martins/>http//nycholau.blospot.com